Gjatë verës së vitit 2009, Fidanishtja Bruka pret të eksportojë të paktën gjashtë kontenierë me shalqi për në Britaninë e Madhe, si pjesë e periudhës provë për të hyrë në zhinxhirin global të vlerës. Programi AAC i USAID-it është duke lehtësuar negociatat midis kompanisë dhe zinxhirit të tregjeve në rajon.

Fermerët shqiptarë bëhen furnizues për shitësin me pakicë më të madh në botë

DIVJAKË, 16 qershor 2009     Me asistencën e USAID-it, një grup fermerësh përparimtarë të udhëhequr nga "Fidanishtja Bruka" po furnizojnë me shalqi për konsum individual (me peshë 2 kg) rrjetin e supermarketeve ASDA,  që është dega Britanike e Wall-Mart, zinxhirit  të shitjes me pakicë më  madh në botë. 

Programi i USAID-it për Konkurrueshmërinë e Buqësisë Shqiptare ndihmoi në lidhjen fillestare të kontakteve midis Fidanishtes Bruka dhe ASDA Supermarket; gjithashtu, programi  asistoi në përzgjedhjen e varietetit të duhur të shalqinit për të furnizuar tregun Britanik, krijoi mundësi për anëtarët e Shoqatës Divjaka ‘07 të arrijnë standardet europiane, si dhe të siguroi drejtimin nga afër të logjistikës së  tregtimit.  

Kjo arritje u festua nga z. Josif Gorrea, Drejtori Administrativ i Fidanishtes Bruka dhe Roberta Mahoney, Drejtoreshë e Misionit të USAID-it për Shqipërinë, me një ceremoni përshëndetjeje në dërgesën e kontenierin të dytë, më datë 16 qershor 2009.

Gjatë ceremonisë, e cila u zhvillua në repartin e amballazhimit të Fidanishtes Bruka , Z. Gorrea vlerësoi ndihmën e dhënë nga USAID-i. “Ndihmesa e USAID-it nuk është vetëm një përfitim për shoqatën e fermerëve, por për të gjithë fermerët dhe tregtarët e Shqipërisë, të cilët tashmë e dinë që është e mundur të plotësojnë kërkesat e tregjeve botërore”- tha Z Gorrea. “Gjithashtu, importues nga Komuniteti Europian janë bërë me dije që Shqipëria është e aftë të jetë furnizues i besueshëm i produkteve cilësore”.

Drejtoresha e USAID-it shpjegoi që nëpërmjet Programit të Konkurrueshmërisë së Buqësisë Shqiptare, USAID-i do mbështesë disa produkte në zinxhirin e vlerave, të cilat janë strategjike për zhvillimin ekonomik. Ms. Mahoney përgëzoi fermerët dhe tregtarët, të cilët morrën pjesë në këtë  negociatë. “USAID është krenar që është partner me sipërmarrës aktivë dhe innovatorë, të cilët investojnë në buqësi; ne do të vazhdojmë të mbështësim përpjekje të tilla,” tha Mahoney.  

Gjatë verës së vitit 2009, Fidanishtja Bruka pret të eksportojë të paktën gjashtë kontenierë me shalqi për në Britaninë e Madhe, si pjesë e objektivit të synuar, si dhe të futet në zinxhirin global të vlerave. Programi AAC i USAID-it është duke ndihmuar negociatat midis kompanisë dhe zinxhirit të tregjeve në rajon.